呢排唔知做乜野，日日夜夜都想食炒菜，不過唔係想食炒菜心／生菜個ｄ啵！最想食係夏天先有既蝦醬通菜！真係行勻成個街市都唔會有架麻，最後去泰國／越南餐廳叫一個當飯食，我自己都好服我自己！

呢晚又想食菜，見唔到通菜不過見到塔菜，就買佢返屋企先～又係咩都唔想食，炒碟菜就可以滿足到啦～

材料

塔菜 ４－５棵

冬筍 １－２個

上湯 少許

鵝油 １湯匙

Le Crueset 煲

１）冬筍切片，去掉比較老同硬身既部份；然後燒熱油鑊，先走油；走油至乾身撈起備用。

２）燒熱個煲，燒到夠熱就落鵝油，然後加入菜，略炒，然後加入上湯調味。加入已走油既冬筍，如果覺得味道唔夠，就再落少許鹽調味，即可上碟！

溫馨提示

１）點解今次我講埋用咩器皿黎煮呢？因為呢個牌子既煲傳熱快（參考網誌），炒菜真係一流，唔需要３分鐘就可以炒一個菜，ｄ鑊氣真係拍得上大牌檔，同你用普通鑊去炒真係好唔同架～

２）冬筍一定要走油，炸乾身左先至有筍既味道，唔走油ｄ筍係一ｄ都唔好食既～

３）塔菜是上海的一種冬季時令蔬菜。上海人稱其塌棵菜。是因為它的形狀扁塌，而且微微有點苦味（上海話"棵"和"苦"同音）。係好耐寒既，所以冬天最當造亦都最好味～

唔駛講內容，大家都會知講乜，香港都拍過啦！咁當然，所以經典既名牌都會出現，玩顏色／款色咩都齊，不過本人就覺得《穿prada的惡魔》同埋《Sex and the City》入面ｄ衫勁好多啦～

故事簡介：女主角自小迷戀商店櫥窗，長大後無法抗拒瘋狂購物的衝動，信用卡負債遠超收入。劇情較妙之處，是她不斷千方百計逃避「收數佬」追債。她又像戒酒戒毒似的參加戒購會，結識一群同病相憐的「病人」，有男有女，有黑人白人和亞裔人。女主角是紐約市傻氣女記者，毫無專長，但烏龍錯摸地成為財經雜誌吃香作家，還令年輕有為、財貌雙全的男編輯拜倒她的石榴裙下。

入場睇既，都係想輕輕鬆鬆，都幾笑餐飽架！所以揀左早場睇而且又平左＄１０

未上已經想睇，原因係入面最大個場景係我公司英國既studio到拍出黎既～

故事簡介： 18歲青年賈馬勒馬利克，一個在印度孟買貧民窟長大的孤兒，只差一個問題就能拿到令全國觀眾瘋狂的節目「誰想成為百萬富翁」二千萬盧布獎金，但這時賈馬勒卻被捕了，他被懷疑作弊 ─ 沒讀過書的孤兒為何能答？

對所有連博士專家都沒把握全中的問題。為了證明自己的清白，賈馬勒向警察講述了他奇妙又令人不可置信的成長故事，以及他深愛的女孩……一個視錢財如糞土的人參與「誰想成為百萬富翁」的目的是甚麼？他如何得知全部答案？

其實係一個悲哀既上半生，就係因為窮先有一段不尋常既童年，先識答ｄ問題！真係問多少少都已經唔識答，因為太窮根本就無接受過教育！學主持人話齋，幾多有識之士都中唔到，一個死窮鬼竟然答到問題？就係因為佢窮所以無資格答到而贏取獎金?

材料 (6吋蛋糕模)

消化餅 2小包 (即係4塊)

牛油 30克

煉奶 1罐

香蕉 2隻

甜忌廉

做法

1) 煉奶成罐唔好開放入煲內加水 (蓋過罐面)，燉3小時，成為拖肥 (Toffee)。

2) 消化餅打碎，加入溶牛油，然後壓入模內，雪大概10分鐘。

3) 將拖肥倒入模內 (大概半罐) 平均舖係消化餅上，再雪。

4) 將香蕉切成薄片，慢慢舖滿係拖肥上面。

5) 甜忌廉打至企身，然後喞花舖面即可。

溫馨提示

1) 煲煉奶個陣，尤其是係煲完之後，千奇唔好即刻開罐，因為罐內溫度非常高，小心灼傷。

係唔係好方便呢，呢個係一個出名既英式甜品，好易做，可以試下架。

 ***************************************

之前GG送過蝴蝶酥俾我，我又整過ｄ小小MUFFIN返公司（有時做野都好悶麻，我地個頭有無外賣叫！）老闆就話唔多食既～尋日下晝開完返黎，竟然開口話要食ｔｅａ！仲問我點解無既，又扁咀，又唔多開心；後尾整左幾塊餅乾塞住佢把口先無事～

尋晚夜左收工，都係要整定ｄ點心俾佢先，費事佢呢兩日臨上機先扁咀，返去總公司同人呻就唔好啦（雖然我估佢唔會！）我今次整左好耐都無整既Hazelnut Vanilla Muffin （參考網誌）！

今次整就係用左北海道牛奶，Hazelnut依然用nutella！手勢比之前進步，好鬆軟，希望佢唔好狂食啦，佢再增磅我就真係咩都唔整俾佢食～

有一日佢行出黎自言自語話自己老左，個ｍｏｎ咁大（２４吋）都覺得唔清楚，我地笑佢不如用大既打印機印email出黎睇（我地個大printer有４４吋咁闊，嘻嘻！）

除左化妝品/護膚品，都仲有買ｄ野食（因為佢地唔係必需品）!

圖１：係撈意粉好好味既黑松露醬，係有ｄ過份，不過你試諗下，帶飯返公司，係叮叮爐叮完拎出黎個刻，有黑松露既味係辦公室飄過，會唔會令你覺得辛苦工作係有回報既呢?

喜瑪拉亞山岩鹽 – 其實用佢係唔係好味左呢，又唔算既，不過個鹽既味確實係比餐桌鹽好ｄ，比低鈉鹽直頭高好多班啦～炒菜個陣落係覺好味左既～

圖２：呵呵，世人經蔡瀾先生推薦，豬油撈飯係世間美食。其實鵝油炒飯係仲香，成個飯真係提昇晒，寶寶就一定明白我（參考網誌）！仲有呀，我發現左撈蝦子麵可以用黎代替麻油；用黎炒菜都好好食～

圖３：呢樽係橙花水，用黎整蛋糕個香味好正架！好多人都用香油，用呢個既味比香油更有層次！

圖４：Myers's Rum，係師傅到學整蛋糕個陣，成日都用到架，不過我姚為咩Rum酒都可以用～完來呢隻酒係用黎打意大利馬鈴係香到暈架，我深深愛上左～個日係Three-Sixty買個陣，個sales仲教左我可以加果汁／梳打水／cranberry juice再加少少呢隻酒，個cocktail就好味到暈！咦！佢點知我屋企有濃縮果汁，公司有有氣礦泉水架！原本想買細枝既我，即刻就將原裝一枝搬返屋企！香港多幾個呢ｄ好sales，我好肯定成為酒鬼之日不遠矣！朋友們，呢ｄ好野，我一定預埋你地既～你估我會唔會夏天既下午，未過３點就係公司飲緊呢?!

圖５：白酒一枝，比起圖４個枝，呢枝絕對輕巧，都係買定一係帶出去食飯；一係就係屋企雪黎飲！勝在有果味之餘又唔太甜，糖份又唔太高，唔會致肥！

故 事 ：【愛情試用期】
三個月前，風（胡清藍飾）終於跟暗戀已久的女同事琪（唐素琪飾）結為情侶。但大女人性格的琪卻要風必須把二人戀情守口如瓶，還跟他訂下了愛情的三個月試用期。在這三個月裡，風必須要竭盡所能做一個滿分男友，琪就風的一言一行，一舉一動給分數記評語。試用期結束後，琪會評核風的表現再決定彼此能否成為一對真正的情侶。琪的要求好像很奄尖苛刻，但面對著暗戀多年的女神，就算要風赴湯蹈火他也是甘之如飴。今個情人節，正好是風跟琪的愛情試用期屆滿的大日子，究竟風交出的成績表，會令自己的愛情前途平穩過渡，還是最終被琪開除收場？

【無聲勝有聲】
偉是一位商場駐場歌手，他每天表演的時候都會看見寶（鄧麗欣飾）。寶則在商場裡開了一家小花店，她每天送花的路上，總會經過偉表演的舞台。偉一天最高興便是在聽歌的人群中發現了駐足的寶。寶總會向偉展現一個充滿鼓勵的微笑。今個情人節，他決定向寶傾訴心中埋藏已久的愛意。偉自信要向心愛的人表白，最強的武器當然是自己的歌聲！偉灌錄了一首自彈自唱的歌曲，打算向寶憑歌寄意。可是，此時寶卻告訴了偉一個晴天霹靂的秘密。她原來是失聰的。一個視音樂為生命的人偏偏愛上一個生命中欠缺音樂的女孩子，對偉而言，這可會是一個教人傷感的情人節？

【一日情人】
龍和虎（l love u boyz 飾）是一對終日活在自己世界的毒男，從來不懂跟異性打交道，一生人也沒談過半次戀愛。今個情人節，兩個兄弟竟然忽發奇想，希望找一個女孩子陪自己過節。在網站的交友遊戲中，龍和虎結識了年輕貌美，代號金魚的女網友。金魚（楊愛瑾飾）自願到龍和虎家當二人一日情人。金魚大情大性的個性和神像莫測的身世。為龍和虎的沉悶生活帶來了天翻地覆的改變。

【最後晚餐】
祖（梁祖堯飾）和芳（謝安琪飾）七年感情，已到了送院途中的急救階段。經過了一次又一次的爭吵，祖和芳心知肚明彼此是兩個世界的人，分手好像是難以避免的事。他們更覺得今個情人節，應該是大家最後一起過的情人節。在來了七年的餐廳，祖和芳吃著一頓情人節晚餐。祖和芳決定晚飯後便說分手，但晚餐剛開始，祖和芳思潮起伏，過去曾在餐廳發生過的前塵往事，又一次湧上心頭。依依不捨的心情，教一頓晚餐吃得愈來愈慢，祖和芳彷彿都不想這麼快吃完晚餐，會不會是彼此突然間又不捨得分手了？

【分身】
對輝（森美飾）這個大情聖而言，情人節是他一年最忙碌的一天，因為他要扭盡六壬來分配時間跟自己的四個女朋友渡過情人節。機關算盡的輝，早在選擇女朋友的時候想到有此一著。輝的四個女朋友，分別是女學生小冰，空姐瑪莉，從外國回來的竹昇妹靜兒和偶像歌手欣欣。輝利用了四位女友背境上的特點，預備在情人節的早餐，午飯，下午茶和晚飯時間，跟眾人在商場上逐一相聚。但想像和現實從來又會出現意想不到的變卦，一連串的意外，讓輝這個大情聖疲於奔命，難以招架！

今次導演想用好多個故事黎講愛，有ｄ貪心！好多背景枝節都無講過，唔上網睇返都唔知個故仔係咩野，尤其是〔分身〕呢個，真係睇唔明，都唔知係唔係最後都係講大話呃埋個女仔呢！仲有，今次成套戲少左好多”要心要肺”，中晒既金句～之前個２套(參考網誌)，淨係ｄ金句ｃｕｔ出黎聽返都已經好到肉啦，所以上兩套個感觸大好多！呢套愛情既感覺唔多夠，而且少左好多令我感動既場景，我淨係睇Stephy學講野個下想喊咋～

其實呢幾個月，斷斷續續都買左ｄ敗家野既，我會分開幾次話俾你地知～

早係聖誕節前，天氣咪好凍既，我ｄ皮膚又唔好啦，所以就覺得自己ｄ粉底唔夠好，搽出黎都見到有細紋，自己望住塊鏡，咁近距離，好醜樣架麻，所以就出街搵下有無更好架啦～我之前係用開濕粉（包括Cle de Peau)，另外有Cream狀既粉底資生堂，２隻都好好架啦，碎粉都係Cle de Peau，無一隻粉係比得上佢架啦～

後尾睇雜誌見到prosays = professional says（專家的推薦），佢既代言人係唐寧，見佢平日ｄ妝都幾薄，唔錯既，所以就走左去試啦～Prosays最出名既就係佢既粉底同埋Disappear，disappear就係妝前打底霜，可以令面部既顏色均勻一ｄ，如果係有黃氣既，亦都可以改善到！個粉底係霜狀既，所以要blend開一ｄ都唔難，可以搽得薄一ｄ，不過遮瑕既能力就唔多夠啦！係好薄，同資生堂既有得fight，不過遮瑕能力不足，而且顏色比較偏黃，唔似資生堂可以做到”象牙色”白裡透紅既效果～

其實呢隻牌子唔係出面坊間講得咁神奇，不過人夾人既，我就覺得佢唔係咁驚喜囉～

同場加映: 另一樣敗家野,就係因為爛面, 我就買左Cle De Peau既遮瑕膏, 佢唔差架, 而且搽左係爛肉上面都ok, 唔會令佢惡化! 不過唔算user-friendly, 最好既都係Giorgio Armani!

呢個顏色係Christian Dior 今年春天既限量版, 唔好鬧住, 係朋友送既生日禮物, 唔好自己買架~

係唔係估唔到我會介紹呢個老牌子呢！邊個皮膚乾既就要密切留意呢篇ｂｌｏｇ啦～我鐘意試新野，不過就唔多鐘意試老牌子，原因係如果佢真係咁正，無奶油我無用過囉！呢次係一次尋寶之下搵到既筍貨！極力推薦～

一樽Le Mer老實講係唔足以令我每日都覺得潤！皮膚係好要水，有時都需要有油去令佢有光澤！我以前一直都有用維他命E油搽面，成個人ｄ皮膚都白裡透紅，除左食療就係靠呢ｄ油啦～

冬天天氣凍，有另外２個牌子既油我好鐘意用，而且覺得佢好好，一個係Clarins既Double serum，佢係俾上左年紀既女士用，所以係會潤ｄ，不過唔好太過介意佢係俾aged people用，最緊要係用左又幫到皮膚變靚就得啦～另外一隻係ultima II係歐洲用既serum，我好多年前係巴黎買既，上雪山凍到爆拆一樣起死回生呀！不過就未見過亞洲區有得賣，唔貴，效果超著！

終於我係莎莎買左一樽capsule係俾面部同喉嚨部份黎用既，另外就買左一樽係俾眼用既～一粒擠出黎既serum有好多架，足以搽晒成個面同喉嚨，你唔好睇佢搽完之後成塊面都油立立，好快就吸收好晒，如果你有心機自己做按摩，就仲好！好快就吸晒，皮膚好快就滑一滑～我通常都係用Le Mer薄薄地打底，然後就再用佢黎按摩！因為Le Mer幫手帶入皮膚深層，所以更加事半功倍！之前爛面個陣照樣係潰爛既皮膚上面按，第２朝就結痂，新一層皮膚就即刻生返出黎啦～

莎莎好抵買面同頸個樽係＄６９／６０粒；眼部個樽我都未需要用住，不過見平都買埋：＄５９／３０粒！如果驚太油既，就一個星期用１－２次；我就隔晚用既！我好肯定用完呢樽我都會去莎莎再入貨架！

一半一半想睇呢套。以為”親密”會令我有共鳴多ｄ，原來有共鳴既係呢一套。

故事大網：故事背景為五十年代中期，年輕夫婦法蘭（里安納度飾）與愛普（琦溫斯莉飾）結合並遷入中產路段革命路。然而夫婦二人的婚姻生活並不美滿，由一開場的公路爭執開始，牽引出二人生活乃至思想上的種種衝突與差距：法蘭苦於電腦機構工作卻無可奈何，讀戲劇出身的愛普渴望改變現狀卻有感難得到丈夫的贊同；法蘭認為應如其他男性般面向現實，愛普卻埋怨丈夫為現實放棄理想，而二人甚至各有外遇……問題是剛三十出頭的夫婦倆以為曾經滿有理想，敢於面對生命的變革（革命）與衝擊，與別不同，然而最終卻驚覺原來自己並非那麼桀驁不馴，與同「路」人只是相當的膠著於生活現狀而無法前行，是對當時美國社會民眾精神失落一面的如實反映。

呢套我唔覺得係愛情片，講人生就仲實在ｄ，係一個男人同女人共同生活之後既dilemma，究竟應該同一般人一樣，結婚生仔搵錢上位，定係做返一ｄ自己一直想做既事?好明顯我無揀到結婚，我亦都好慶幸自己無同之前既一位結婚！